Manalig ng Buong puso sa Panginoong Diyos | Makakaahon din tayo sa Pandemic

 Ebanghelyo ayon kay San Mateo 1:1-17

1Ito ang talaan ng mga ninuno ni Jesu-Cristo na mula sa angkan ni David na mula naman sa lahi ni Abraham.

2-6aMula kay Abraham hanggang kay Haring David, ang mga ninuno ni Jesus ay sina: Abraham, Isaac, Jacob na ama ni Juda at ng kanyang mga kapatid, Juda, Fares at Zara na mga anak ni Juda kay Tamar, Esrom na anak ni Fares, Aram, Aminadab, Naason, Salmon, Boaz na anak ni Salmon kay Rahab, Obed na anak ni Boaz kay Ruth, at Jesse na ama ni Haring David.

6b-11Mula naman kay Haring David hanggang sa naging bihag ang mga taga-Juda sa Babilonia, ang mga ninuno ni Jesus ay sina: David, Solomon na anak ni Haring David sa dating asawa ni Urias, Rehoboam, Abias, Asa, Jehoshafat, Joram, Ozias, Jotam, Acaz, Ezequias, Manases, Amos, Josias, Jeconias at ang mga kapatid nito.

12-16At pagkatapos na sila'y maging bihag sa Babilonia hanggang sa ipanganak si Jesus, ang mga ninuno niya ay sina: Jeconias, Salatiel, Zerubabel, Abiud, Eliakim, Azor, Sadoc, Aquim, Eliud, Eleazar, Matan, Jacob, at si Jose na asawa ni Maria. Si Maria ang ina ni Jesus—ang tinatawag na Cristo.

17Samakatuwid, may labing-apat na salinlahi mula kay Abraham hanggang kay David, labing-apat mula kay David hanggang sa pagkabihag ng mga Israelita sa Babilonia at labing-apat din mula sa pagkabihag sa Babilonia hanggang kay Cristo.

 

Pagninilay

Ang ebanghelyong ito ay nagpapakita sa ating lahat ng napakagandang kasaysayan. Sapagkat pinaliwanag ditto ang salinlahi ng Panginoong Jesus, mula kay Abrahan na ama ng lahat ng mga bansa, hanggang sa hari ng Israel na si haring David, papunta sa pagkasilang ni Jesus na ating panginoon at tagapagligtas.

Kung titignan natin parang wala lang ang ebanghelyong ito tungkol sa salinlahi ng ating panginoong Jesus. Kasi ito ay puro pangalan ng tao na nagpapalit-palit ng salinlahi. Ngunit mga kapatid kung tayo po ay magnilay sa mabuting balitang ito, ay ating pong makikita ang kadakilaan ng DIYOS!

Tandaan natin na ang pumili kay Abraham na maging ama ng lahat ng bansa ay ang Panginoong Diyos, at hindi sia mismo. Pinakita ng Diyos sa atin kung paano niya tinutupad ang kanyang pangako, na binigay niya kay Abraham. Kahit na imposibleng magkaroon pa sila ng anak ni Sara na kanyang asawa, upang matawag siya na ama ng lahat ng mga bansa, ay nangyari paring nabuntis si Sara at naipanganak niya si Isaac. Si Isaac naman ay nagkaroon ng kambal na anak na sina Esau at Jacob. Alam din natin kung paano natanggap ni Jacob ang basbas ng kanyang amang si Isaac, yon ay dahil sa pagdaya niya sa kanyang kapatid. Subalit, nasabi din sa biblia na bago pa lumabas si Jacob sa sinapuponan ng kanyang ina ay nakahawak na ito sa paanan ng kanyang kapatid na si Esau na para bang gusto niya talagang mauna. At yan nga ang nangyari.

Si Jacob naman ay pinagkalooban ng labindalawang anak na pinagmulan ng labindalawang lipi ng Israel. Nakita rin natin kung paano sumama sa kanya ang Panginoong Diyos, hangang sa pagtanda niya. Hangang sa napunta na sa salinlahi ni haring David, bago pa siya napili na maging hari ng Israel ay may nauna na sa kanya. Ngunit kahit nang mapili na siya ay hindi parin niya kinalimutan ang kahalagahan ng pagsunod sa hari, kahit na makailang beses na siyang gusto patayin nito.

Ito po ang mabuting balita sa ating ebanghelyo, mamuhay po tayo ng may takot sa Diyos, pag-aralan natin ang kanyang mga salita tulad ng ginawa ni haring David, manalig tayo sa kanya ng buong puso at kaluluwa tulad ng ginawa ni Abraham at patuloy tayong mamuhay ng hindi nakakalimot sa Diyos tulad ng ginawa ni Jacob.

Ang pandemiyang ito ay malalampasan natin mga kapatid, manalig tayo sa Diyos, manatiling tapat sa kanya, pag-aaralan natin ang kanyang mga Salita na ating mababasa sa biblia.

Kaawaan tayo ng makapangyarihang Diyos, Ama, at ng Anak, At ng Espirito Santo. Amen!