Ang importansiya sang GINOONG DIYOS sa aton nga Panimalay

 

 Dapat pa bala naton mahibaluan ang importansiya sang aton nga GINOONG DIYOS sa aton nga tagsa-tagasa ka panimalay? Ano bala ang mabulig sini kon mahibaluan ta ang importansiya sang GINOONG DIYOS sa aton nga panimalay? Mabuligan bala kita sa aton nga mga problema, kabug-atan kag mga palaligban kon hibaluon naton ang importansiya sang GINOONG DIYOS sa aton nga panimalay?

          Sa mga nagakalatabo sa sini nga mga inadlaw, dapat nakahibalo gid kita kon daw ano ka importane ang GINOONG DIYOS sa aton nga panimalay. There is a saying’s “The Family that pray together stay together”. Karun dugangan naton ina, “Ang panimalay nga nakahibalo sang importansiya sang GINOONG DIYOS nagabakod kag nagaumwad”. Kon usisaon naton ang Balaan nga kasulatan, Makita gid naton ang isa ka halimwa nga ang panimalay nagabakod kag naga umwad kon nahibaluan nila ang importansiya sang GINOONG DIYOS sa ila. Ini wala sing liwan kundi si Josue nga nagtal os kay Moises (Josue 24:15). Kitan man mga kautoran gina hangkat nga sundon naton si Josue.

Kon kita makahibalo sang importansiya sang DIYOS sa aton nga kabuhe, mabuligan gid kita sa madamo nga bagay. Magaalagad kita sa Diyos upod sa aton nga panimalay, ginaumpisahan gid ini sang Amay. Gani nga dapat gid magtalupangod sing labi ang mga Amay sang panimalay. Bisan pa mag abot ang madamo nga problema, madulaan kita sang pangabuy-anan, mahal sa kabuhe, mga alaga nga kasapatan kag madamo pa ang madula sa aton. Ang dapat naton nga himuon amo ang magsalig sa DIYOS. Kay kon kita nagasalig sa Mahal nga DIYOS buot silingon nakahibalo na kita sang importansiya sang GINOONG DIYOS sa aton nga panimalay. Talupangdon naton si Job nga sa pihak sang tanan nga malain nga hitabo sa iya nga kabuhe, nagpakalig-on siya. Gani nga ang iya nga bug-os nga panimalay nangin malig-on kag nag-umwad. Tungod sa paghatag niya sang iya bug-os nga pagsalig sa GINOONG DIYOS nga amo ang makahatag bisan pa sang mga bagay nga imposible para sa aton nga mga tawo. ( Job 42:10-17).

Magpabilin kita nga malig-on kag matinuohon sa guihapun sa DIYOS sa pihak sang tanan nga mga pag-antus, kasakit kag kaluya nga aton ginaatubang. Tanan kita naluyag gid sang padya nga amo ang kabuhe nga wala sing katapusan (Bugna 21:4). Gani indi gid kita magpamasol sa GINOOONG DIYOS tungod sang indi maayo naton nga kahimtangan. Sabaylo sini mag-ampo kita sa Diyos agod iya kita buligan. Indi gid kita magkataka sa pagpalapit sa aton nga GINOONG DIYOS kay sa iya wala sing butang nga indi niya mahatag (Lucas 1:37). Ang dapat naton nga himuon amo nga magpadayon sa pagpalig-on sang aton nga panimalay, aton sila nga dal on sa GINOONG DIYOS. Kay kon magpadayon kita maagom gid naton ang padya ( Marcos 13:13).

 

Sa DIOS ang kadaywan kag himaya! Amen

By: Bro Romel Palma